Ĉu blogo nun ?

Dank’al la blogo de Samawel mi decidis denove skribi ion ĉiutage, sed mi tute ne scias ĉu mi povos konservi tiun ritmon. Jam estas tiom da farendaĵoj. Post hodiaŭa trejniĝo pri vjolo, mi veturigis la infanojn kaj devas pensi ke vespere okazos trejnado pri tradiciaj dancoj en alia urbo. Sabate okazos spektaklo kaj mi devos ripari mian kostumon.
Intertempe,

• telefoni,
• rendevui,
• prepari manĝojn,
• iom prizorgi la domon,
• zorgi pri kostumo de Klara por la lerneja festo,
• devigi la filojn al lernejaj taskoj dum ili jam sentas sin en someraj ferioj,
• prepari la lernejan feston en kiu partoprenos la esperanta klubo,
• korekti esperantajn taskojn,
• instrui tirharmonikon al amiko de la filoj,
• instrui vjelon al infanoj,
• trejniĝadi pri muziko,
• lerni pri Esperanto por venonta staĝo en Kvinpetalo,
• korekti esperantajn tekstojn,
• recenzi,
• verki artikolon pri muziko,
• prepari staĝon pri tradiciaj dancoj,
• ktp.

Nepre ne demandi ĉu oni sukcesos ĉion fari. Nepre ne pensi. Problemo : kion formeti el tiu listo ?